«Nur Otan» партиясы Қармақшы аудандық филиалының төрағасы, Қармақшы ауданының әкімі Мұса Қалдарбековтың тұрғындардың өтініштері бойынша аудан әкімдігінің фронт-кеңсесінде онлайн форматында жеке қабылдауы өтті.

«Nur Otan» партиясы Қармақшы ауданық филиалының қызметкерлерімен бірлесіп өткізілген қабылдауға жазылғандардың негізгі бөлігі әлеуметтік мәселелер оның ішінде Байқоңыр қаласындағы мүмкіндігі шектеулі жандарға инватаксимен тұрақты түрде қамту және Байқоңыр қаласы бойынша мүмкіндігі шектеулі азаматтарға ғимарат бөлу, әлеуметтік осал топтағы азаматтарды жұмыспен қамту, т.б. сұрақтармен келді.

Сонымен бірге Алматы қаласынан арнайы келген геодезия саласының қызметкерлері аудандағы мал жайылымдық жерлерге геоботаникалық карта және картограмма жасау бойынша пікірлерін білдіріп онлайн қабылдауда болды.

Көтерген мәселелері бойынша аудан әкімі Мұса Оспанұлы тұрғындардың сауалдарына заң аясында жауабын беріп, өтініш иелері тұщымды жауаптарын алды.

Қабылдауға келген азаматтардың өтініштері тіркеліп, тиісті сала басшыларына нақты тапсырмалар жүктелді.

Алдағы уақытта жергілікті билік органының өз құзыреті аясында мәселелерді шешу мақсатында тиісті шаралар қабылданатын болады.