Аудан әкімі онлайн қабылдады

«Nur Otan» партиясы Қармақшы аудандық филиалымен бірлесіп өткізілген қабылдауға жазылғандардың негізгі бөлігі әлеуметтік және материалдық көмек көрсету, жұмыспен қамту, т.б. сұрақтармен келді.

Сонымен бірге «Сыр дидары» газетінің тілшісі, аудандағы Жалпыұлттық социал-демократиялық партиясының өкілі Қуаныш Төреев онлайн қабылдауда болды. Көтерген мәселелері бойынша аудан әкімі Мұса Оспанұлы сауалдарына жауабын беріп, өтініш иесі тұщымды жауаптарын алды.

Қабылдауға келген азаматтардың өтініштері тіркеліп, тиісті сала басшыларына тапсырмалар берілді.

Алдағы уақытта жергілікті билік органының өз құзыреті аясында мәселелерді шешу мақсатында тиісті шаралар қабылданатын болады.