Аудан әкімі тұрғындарды жеке мәселелері бойынша қабылдады

Қармақшы ауданы әкімі Мұса Қалдарбековпен аудан әкімдігінің фронт-кеңсесінде тұрғындармен онлайн жеке қабылдау өтті.

Карантин режиміне сәйкес қазіргі таңда жергілікті атқарушы органдардағы жеке қабылдаулар онлайн форматына ауыстырылды.

Онлайн қашықтықтан өткен жеке қабылдауға Жосалы кенті мен ауылдық округ тұрғындары қатысып, тұрғындар тарапынан қойылған жеке сауалдарына аудан әкімі заң аясында толыққанды жауабын берді.

Тұрғындар тарапынан қойылған сауалдар негізінен жеке балабақша ашу, Чернобыль атом – электр станциясының зардабын жоюға қатысқан азаматтарға көмек көрсету, жұмысқа орналастыру болды.

Қазіргі еліміздегі ахуалға байланысты онлайн қабылдау өткізілуі жергілікті атқарушы органдар мен мемлекеттік мекемелердің халықпен байланысты тиімді ұйымдастыруына мол мүмкіндік береді.