Аудан тұрғындарымен жеке қабылдау өтті

Қармақшы ауданы әкімі Мұса Қалдарбековпен аудан әкімдігінің фронт-кеңсесінде тұрғындар арасында онлайн жеке қабылдау ұйымдастырылып өткізілді.

Карантин режиміне сәйкес қазіргі таңда жергілікті атқарушы органдардағы жеке қабылдаулар онлайн форматына ауыстырылды.

Онлайн қашықтықтан өткен жеке қабылдауға Жосалы кенті мен ауылдық округ тұрғындары қатысып, тұрғындар тарапынан қойылған жеке сауалдарына аудан әкімі заң аясында толыққанды жауабын берді.

Тұрғындар тарапынан қойылған сауалдар негізінен жұмысқа орналастыру, жеке кәсіпкерлік бағытында алған несие мәселесін шешу және әлеуметтік жәрдем сұраушылар болды.

Қазіргі еліміздегі ахуалға байланысты онлайн қабылдау өткізілуі жергілікті атқарушы органдар мен мемлекеттік мекемелердің халықпен байланысты тиімді ұйымдастыруына мол мүмкіндік береді.