Тақырыптық қабылдау өтті
«Nur Otan» партиясы Қармақшы аудандық филиалының қоғамдық қабылдау бөлмесінде жұмыспен қамту және әлеуметтік мәселелер бойынша тақырыптық қабылдау өтті.
Қабылдауға «Nur Otan» партиясы Қармақшы аудандық филиалы төрағасының бірінші орынбасары, аудандық мәслихат депутаты Буханов Дастан Әбдібекұлы, аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Ақжігітов Ғалымжан Амангелдіұлы және аудандық халықты жұмыспен қамту орталығы директорының орынбасары Балтабай Нұрлыбек Балтабайұлы қатысты.
Қабылдауда тұрғындар тарапынан атаулы әлеуметтік көмек мәселесі көтерілді. Қабылдау барысында тұрғындардың мәселелері тыңдалып, ҚР-ның Заңы аясында түсіндірме жұмыстары жүргізіліп, тиісті жауаптар берілді.
