Нұрлы бағыт болашаққа бастайды

Қызметтің сатыларынан өткен менің көп жылым құрылғанына 22 жыл толған «Nur Otan» партиясымен біте қайнасқан. Елбасы төрағалық ететін партияның ең басты мақсаты – ұлт Тәуелсіздігінің тірегі болу, ел еркіндігін нығайта түсуге күш салу болып табылады. Өйткені, нұрлы болашаққа жол бастаған «Nur Otan» – бүгін де халқының қамын, жұртының мұң-мұқтажын, жастардың болашағын әріден ойлаған жетекші партия. Міндет адамға жауапкершілік жүктейді. Сайлаушыларымыздың, партияның алдындағы жауапкершілікті терең сезініп, осы бағыттағы жұмыстарды одан әрі тиімді жалғастыру фракцияның бүгінгі таңдағы негізгі борышы болып қала бермек.

«Халық көздегіні ғана емес, көңілдегіні де көреді. «Nur Otan» нақты нәтиженің, ілкімді істің партиясы атанып, елдің көңілінен шыға білді. «Елің қуатты болса, бағың тұрақты болады» дейді халқымыз. Күнімізді шуақты ете түсу үшін елімізді қуатты ету барлығымыздың ортақ парызымыз.

Қазақстан халқын Туелсздіктің 30 жылдығымен, Алғыс айту күнімен, Қазақстан халқы Ассамблеясының құрылған күнімен, партиямыздың 22 жылдығымен құттықтаймын. Осындай тыныш та бейбіт елде өмір сүріп, елге қызмет етуге мүмкіндік берген мемлекетімізге алғысымыз шексіз. Осы күнімізді бағалай білейік. Өйткені бағалай білген адамға бақ қонады.