Нұрлан БЕЙБІТОВ: "Үш онжылдықты сермеп өткен Тәуелсіз ел"

Мемлекет басшысы «Тәуелсіздік бәрінен қымбат» атты мақаласында еліміздің жүріп өткен отыз жыл ішіндегі жеткен жетістіктерін ғана емес, жарқын болашаққа арналған жоспармен бөлісіп, байсалды талдау жасап, оқырманға ой салды.

Президент мақалада «Шын отансүйгіштік дегеніміз – жалаң ұран тастау емес, еліңе, халқыңа қызмет ету» деп жастарға елінің нағыз патриоты болуы үшін білім мен тәрбие алып, әлеуметтік ортамен араласып, азаматтық болмысын қалыптастыру арқылы патриотқа айналатынын еске салып өтті. Ұзақ уақыт бойы қоғамда резонанс тудырған жер мәселесі бойынша, ата-бабадан мирас болып қалған кең байтақ жеріміздің сатылмайтындығын тағы да нақтылап айтты.

Мемлекеттік тіл, оны меңгеру және парызымыз бен міндетіміз ету қажеттігі жөніндегі үндеуі де халықтың көңілінен шықты.

Осы ретте, мақалада айтылған толғақты ойларды жүзеге асыруды барлық қазақстандықтар қолдайтындығына сенімім мол. Бірақ сол сенімді ақтау үшін білек сыбана еңбек етуіміз керек.