Ғылым мен техника қарыштап дамыған қазіргі уақытта өркениетті елдерде қағазбастылықтан арылып, электронды сот өндірісіне көшуде. Бүгінгі заман талабына сәйкес еліміздің сот жүйесі саласында электронды сот төрелігін дамыту ісіне үлкен мән берілуде. Қазақстан Республикасында сот жүйесін жетілдіру бойынша көптеген реформа сәтті жүзеге асырылып, нәтижесінде республикамыздың сот жүйесінің жұмысының сапасы уақыт өткен сайын артып келеді.
Ақпараттық технологияның арқасында сот процесін қашықтан жүргізу форматына көшіп, елде орын алған пандемия кезінде адамдардың қауіпсіздігі мен денсаулығы басты орынға қойылып, сот процестері толықтай онлайн режимде жүзеге асырылды. Аталған сот отырыстары «TrueConf», «Zoom», «Skype», «WhatsApp» бейнебайланысы арқылы қаралып, ағымдағы жылдың 10 айында 542 сот отырысы өткізілді. Яғни, тараптар сотқа келмей-ақ өз үйінде немесе жұмыс орнында отырып қатысуда.
Электронды қызметтердің басты тиімділігі – тараптардың қаржысы мен уақытын үнемдеп, қағазбастылықтан арылтып, жұмысты жылдам әрі сапалы атқарып, сыбайлас жемқорлыққа жол бермеу.