Түсіндірме насихаттық жұмыстары жүргізілді
Көрнекі ақпаратты дұрыс жазу бойынша консультациялық түсіндіру жұмыстарын үйлестіруге байланысты Қармақшы аудандық мәдениет және тілдерді дамыту бөлімі «Қазақстан Республикасындағы тіл туралы» Заңының 21-бап талаптарына сәйкес кәсіпкерлік 30 нысандарға ақпараттық түсіндірме насихаттық жұмыстары жүргізілді.
Түсіндірме жұмыстары барысында маңдайшалардың әріптері түскен, жарнамалардағы қате жазылған жазуларды, кент келбетіне сай болуы жағынан бірқатар ескертпелер жасалып, кәсіпкерлерге «Қазақстан Республикасындағы тіл туралы» Заңының 21-бабы бойынша маңдайшалардың, жарнамалардың, тағы басқа да көрнекі ақпараттардың мемлекеттік тілде және орыс тілінде, ал қажет болған жағдайда басқа да тілдерде жазуға болатынын көрнекі ақпараттың барлық мәтінін орналасу тәртібі жөнінде айтып түсіндірілді.
Сонымен қатар «Қазақстан Республикасындағы тіл туралы» Заңының 21-бабын және маңдайша жазулар мен көрнекі ақпараттардың мәтіндерін жазу және орналастыру туралы 30 дана схема-үлгісі екі тілде таратылып, кемшілік жіберген 3 кәсіпкерлік нысанға ескерту жасалды.
