Ақай ауылдық Клуб үйінде кәсіпкерлік саласын дамытуға байланысты, кәсіпкерлік субъектілерге және кәсібін жаңадан бастаушы азаматтарға жан-жақты түсіндіру жұмыстарын жүргізу мақсатында жиналыс өткізілді. Аталған жиналысқа Ақай ауылдық округі әкімі Г.Умарова және Қармақшы аудандық кәсіпкерлік, өнеркәсіп және туризм бөлімінің маманы Койшыгулов Жанибек, Қызылорда обылысы кәсіпкерлік палатасының Байқоңыр қаласындағы филиалы директоры Өтегенов Алмат, сонымен қатар Қармақшы ауданы бойынша мемлекеттік кірістер басқармасының бас маманы Нугманова Марта қатысты. Жиналыс барысында ауыл кәсіпкерлерінің мемлекет тарапынан қарастырылып жатқан жеңілдіктерді пайдалану жолдары, «Қарапайым заттар экономикасы» және «Жол картасы 2020» бағдарламалары бойынша несие алу жолдары, қайтарымсыз гранттарға қатысу үшін қажетті құжаттар мен салық төлеу түрлеріне байланысты түсіндірме жұмыстары жүргізілді.