Тиісті мекеме және ішкі істер органы қызметкерлерінен құрылған комиссия көше аралап, меншігіне тиесілі емес учаскеде құрылыс жұмыстарын жүргізіп, жаяу жүргіншілерге арналған аумаққа топырақ үйіп, көшеге септик орналастырып, абаттандыру қағидасын, елді мекеннің инфрақұрылым обьектілерін бұзған тұрғындарға ескерту жұмыстары жалғасуда.

Ескерту берілгеннен кейін 10 күн ішінде көшеге орналастырған септик пен құрылыс материалдарыңызды меншігіңізге тиесілі учаскеге көшірулеріңіз керек. Егер, ескерту уақытында орындалмаған жағдайда Қазақстан Республикасының «Әкімшілік құқық бұзушылық туралы» Кодексінің 505-бабына сәйкес тиісті шара көріліп, айыппұл салынатындығы ескертіледі.