Карантин кезінде себепсіз көше кезгендерге шара көрілді
ЖОСАЛЫ, 10сәуір – qarmaqshy-tany.kz Карантин режимі талаптарының орындалуын бақылау және қамтамасыз ету мақсатында арнайы құрылған Жұмысшы топ мүшелері аудандық полиция бөлімі қызметкерлерімен бірлесіп түнгі рейдке шықты.
Рейд барысында көшеде бей-берекет жүрген автокөлік егелерінің түсініктері алынып, карантин режимін бұзғаны үшін Қазақстан Республикасының Әкімшілік құқық бұзушылық туралы кодексінің 476-бабы бойынша шаралар көрілді.
ҚҰРМЕТТІ ЖЕРЛЕСТЕР!
Карантин режимінің талаптарын бұзған азаматтарға әкімшілік 10 АЕК, яғни 27 780 теңге айыппұл немесе 15 тәулікке дейін қамауға алу жазасы қарастырылғанын ескертеміз.
Сондықтан да, көшеге шығуға аса қажеттілік туындамаған жағдайда үйде болуларыңызды сұраймыз.
Сондай-ақ, жергілікті атқарушы органдары тарапынанар барлық атқарылып жатқан шаралар бірінші кезекте тұрғындардың денсаулығы мен қауіпсіздігі үшін жасалып жатқандығын назарларыңызға саламыз.
