19 қазан – Құтқарушылар күнінде сала мамандары марапатталды(фоторепортаж)

19 қазан – Құтқарушылар күні. Биыл қызметтің құрылғанына 25 жыл. Осыған орай аудандағы №10 өрт сөндіру бөлімі ғимаратының алдында салтанатты жиын өтті. Онда сарбаздар сап түзеп, ҚР-ның әнұраны орындалды. Мерекелік шараға аудан әкімінің орынбасары Жалғас Сүйеубаев арнайы қатысып, сөз сөйледі. Жиынға қатысушыларды мерекелерімен құттықтады. «Мінсіз қызметі үшін» І, ІІ, ІІІ дәрежелі төс белгісімен арнайы мамандар марапатталды. Сонымен қатар Төтенше жағдайлар министрлігінің алғыс хаты абыройлы еңбек етіп жүрген бірқатар құтқарушы маманға берілді.

2020 жылдың маусым айында ауданда қайғылы жағдай орын алғаны белгілі. Сырдария өзенінде шомылып жүрген 2 жас өспірімді Егеубай құтқарып ерлік жасады. Алайда балаларды ажалдан аман алып қалып өзі ажал құшты. Бұл көзсіз ерлік батырлық. Осындай азаматтың батырлығы мен ерен еңбегін елеп, құтқарушылар күнінде Егеубай Әскербекұлы Елпановты «Суға батқандарды құтқарғаны үшін» медалімен наградтап, ата-анасына тапсырды.