Тазалыққа табандылық танытқан жөн
Ауданда көркейту-көгалдандырудың 2 айлығы басталғалы сенбілік жұмыстары серпінді жүргізілуде. Тазалық жұмысы барысында мекеме, сауда орталықтарының айналасы абаттанып, көшелер күл-қоқыстан тазарып, артық шөптер шабылды.
Шараға кент пен ауылдық округтердегі барлық мекеме белсене араласып, қоршаған ортаны тазартуға елеулі үлес қосты. Бірі – ауласындағы қоқыстар мен қураған шөпті өртесе, енді бірі – қоршауларды сырлап, көше келбетін келтірді. Жүк көліктері жиналған қоқысты арнайы орынға жеткізумен айналысты.
Туған жердің тазалығы әр тұрғынды алаңдатуы тиіс. Оның көркем келбеті сүйіспеншілікті арттырып, мақтаныш сезімін тудыруы қажет. Сол себепті тазалыққа табандылық танытқан жөн.
"Қт" ақпарат
