Праймериз жаңа көшбасшыларды анықтады
«Nur Otan» партиясы Қармақшы аудандық филиалының төрағасы Мұса Қалдарбеков праймериз қатысушыларымен кездесті.
Аудан бойынша праймеризге қатысқан барша үміткерлерді «Nur Otan» партиясы Қармақшы аудандық филиалының төрағасы, аудан әкімі Мұса Қалдарбеков құттықтап, Қызылорда облыстық филиалының төрағасы, облыс әкімі Гүлшара Әбдіқалықованың атынан алғыс хаттар табыстады.
Қармақшы ауданы бойынша праймеризге 62 кандидат тіркелген. Үміткерлердің 43 пайызы әйелдер болса, 40 пайызы 35 жасқа дейінгі жастар. Кандидаттардың үгіт-насихат жұмысы кезінде 10 дебат ұйымдастырылған. 95 жуық кездесулер өткізіліп, 120 астам ұсыныстар жинақталған. Ауданда барлығы 5120 партия мүшесінің дауыс беруі жоспарланды. Партия мүшелерінің 4061 онлайн форматта, 916 бюллетень арқылы дауыс берді. Жалпы аудандағы дауыс беру көрсеткіші 97% (4977) құрайды.Жиын барысында праймериз қатысушылары да өз ризашылығын білдірді.
