Туыстар медиация тәртібімен татуласты

Атырау облысының Қызылқоға аудандық сотында Қазақстан Республикасының ӘҚБтК-нің 73-бабының 1-бөлігімен азамат Ғ.Ж.-ға қатысты әкімшілік іс қаралды.
Сотта анықталғандай, азамат Ғ.Ж. алкогольдік масаң күйде өзінің келіні азаматша Ж.Ж.-ға ар-намысына тиетін былапыт сөздер айтып, отбасы-тұрмыстық қатынастар аясындағы құқыққа қарсы іс-әрекеттерді жасаған.
Сот отырысында құқық бұзушы Ғ.Ж. кінәсін мойындап, әрекетіне өкініп, жәбірленушіден кешірім сұрап, медиация тәртібінде татуласуларына байланысты істі тоқтатуды сұрады.
Жәбірленуші Ж.Ж. өзінің қайын ағасына кешірім беріп, өзара медиация тәртібінде татуласқанын айтып, әкімшілік істі тоқтатып, оны жауаптылықтан босатуды сұрады.
Сот қаулысымен Ғ.Ж. әкімшілік жауаптылықтан тараптардың татуласуына байланысты босатылды, іс бойынша іс жүргізу тоқтатылды.
Қармақшы аудандық сотының баспасөз қызметі