Бірде көшеде келе жатып жас ананың баланы қалай тәрбиелегенін байқадым. «Мынаны алма, рұқсатсыз ұстама» деген сөзіне құлыншақ та құлақ түріп, айтқанын екі етпеді. Осыған қарап «Бала ұяда не көрсе ұшқанда соны іледі» деген тәмсіл еріксіз ойға оралады. Айтпағым, қазір қоғамда індетпен қатар кенде қалмай отырған тағы бір дерт бар. Ар-намысты жиып қойып, өзгенің мүлкіне қызыға қарайтындар бар арамызда. Әрине, сыбайлас жемқорлық десе түрпідей жиырыламыз. Тіпті жауыр болған тақырып. Бірақ бұл дертті жеңбей болашақты бажайлай алмаймыз. Сол үшін қоғам болып қарекет етсек, алынбайтын асу жоқ. Бастысы – балаға жақсы тәрбие сіңдіріп, болашағымызды жарқын етсек болғаны.