Жемқорлықпен күреске жұмылу керек

Бір дерт бар. Қайда барсаң оңды-солды жаныңнан табыла қалады. Әрине, көпке топырақ шашудан аулақпын. Дегенмен бұл дерттің еміне шипа іздеу әрбір азаматтың парызы. Рас, әлемді жайлаған індет әлі сейілген жоқ. Дегенмен бір мүйіші селт етіп көрінетін жемқорлықтың бір құйрығы әлі де болса тыйылмай тұр. Бұл дегеніңіз үлкен трагедия ғой. Не істеу керек? Енді не істемек керек? Алдымен бала тәрбиесіне мән беру керек. Себебі тәрбие – тал бесіктен басталады. Баланы кішкентайынан құлағына адал болуды, ешкімнің ала жібін аттамауды сіңдіріп өсірсең оның болышығы да жарқын болмақ. Неге жарқын деймісіз? Өзгенің асына ортақтасып, оны еселеп өзіндік ету кімге опа әкеледі дейсіз? Әрине, ешкімге.

Елде сыбайлас жемқорлықпен күресу үшін заңнамалық база құрылған. Мәселен, «Сыбайлас жемқорлыққа қарсы күрес туралы», «Мемлекеттік органдар мен лауазымды тұлғалардың әрекеттерінде тәртіпті күшейту, сыбайлас жемқорлықпен күресті күшейту шаралары туралы» заңдар, сондай-ақ көлеңкелі экономика көлемін кішірейтуге, экономика саласында құқықбұзушылықтармен күреске бағытталған бірқатар бағдарламалар бар.