Төтеп берсек жеңеміз

Осы кезге дейін қозғалар тақырып бір. Қайда барсақ айта жүретін, қайда жүрсек біле жүретін, қоғам болып, біз болып, сіз болып бас шайқайтын мәселе бір. Жауыр болған сол баяғы – сыбайлас жемқорлық. Сол баяғы жауыр болған індет. Оны қалай жеңбекпіз? Алдымен баланы жастайынан тәрбиелеу керек. Мәселен, «өзгенің затына қызықпа, өзгенің ойыншығын рұқсатсыз алма». Осындай тыйымдарды ескере өскен бала өскен соң да мұндай жат әрекетке бой алдырмасы анық. Одан соң адам пейілін түзеуі керек. Пейіл жарқын жерде қараңғылық та төнбейді. Сосын барып, ел болып, үлкені мен кішісі болып жемқорлыққа қарсы қарекет ету қажет. Қоғам болып жұмылмасақ, бұл індет те өрши бермек.