«Nur Otan» партиясы Байқоңыр филиалы төрағасының бірінші орынбасары М.Есбенбетов, партия белсенділері Е.Рзалиев, С.Жумадияров, Байқоңыр қаласының көп бейінді ауруханасының бас дәрігері Ж.Әділхан Ақай ауылдық округіндегі Төретам ауылдық ауруханасы жанынан орналасқан 1-қабатты ғимараттың күрделі жөндеу жұмыстарымен танысты.
Жөндеу жұмыстары толық аяқталғаннан кейін, бұл ғимаратта қосымша 20 провизорлық төсек орын және 2 интенсивті палата ашу көзделуде.
Ғимараттың барлық жөндеу жұмыстары партияның «Байқоңыр» филиалы Саяси кеңесінің мүшесі, Қармақшы аудандық мәслихаттағы «Nur Otan» партиясы депутаттық фракциясының мүшесі, жеке кәсіпкер Рзалиев Еркін Оразалыұлы мен партия белсендісі, «Асар плюс» ЖШС директоры Жумадияров Сейіл Бұхарбайұлының демеушілігімен жүзеге асыруда.
Қазір бүкіл қоғамның күш-жігерін біріктіру үшін мейірімділік пен өзара көмек көрсету қажет. Коронавирус індетімен халқымыз жұмыла күресіп, қайырымды жандар қолдан келген көмектерін аямауда.