Төретам кенті әкім аппаратының ұйымдастыруымен «Қош келдің, Жаңа жыл!» атты балаларға арналған ертеңгілік 2017 жылдың 27 желтоқсан күні сағат 10.00-де мүмкіндігі шектеулі жандар мен 12.00-де аз қамтылған отбасылар арасында өтті.

Ертеңгілікті алғашқы құттықтау сөзбен Төретам кенті әкімінің уақытша міндетін атқарушы Сүйембетов Шайкибек Шайхсламұлы ашып берді, содан соң клуб үйінің өнерпаздары қойылым қойды. Қасқыр мен түлкі болып ертеңгілікті жүргізіп, жаңа жылды қарсы алып, балаларға қызықты ертегі сыйлай білді. Қойылым арасында «Жазира» би тобының бүлдіршіндері би-билеп, ән айтылды. Ертеңгілікке келген балалар ертегі кейіпкерлерімен бірге би биледі, содан соң Аяз ата мен Ақшақарға өнерлерін көрсетіп, мәз-мейрам болып, Аяз атаның дорбасынан сыйлықтар алды. Ертеңгілік соңында Төретам кенті әкім аппаратының арнайы дайындаған сыйлықтары таратылды.