Елдің бірлігі – өз қолымызда

    Елбасы Нұрсұлтан Назарбаев ұлт саулығы сынға түскен сәтте баршаны сабырға шақырып, үндеуін жариялады. Бүгінгі жолдаған үндеуі маған үлкен әсер қалдырды.

   Расымен Қазақстан қазба байлыққа, оның ішінде мұнай мен газға бай ел. Сол байлыққа тәуелді болмас үшін ел экономикасын әртараптандырды. «Қазақстан-2050» стратегиясын жасап, «Үдемелі индустриялық-инновациялық даму» бағдарламасы аясында көптеген жаңа кәсіпорын ашты. Міне соның арқасында әлемдік бәсекеге қабілетті өнімдер шығып, өзімізге жететін қор жиналды. Болашақ үшін, алда күтіп тұрған осындай алмағайып замандар сынағын еркін еңсеру үшін көп қаражат жұмсалып жатыр. Осыдан кейін Тұңғыш Елбасы саясатының астарында үлкен мән жатыр деп білемін. Ел бірлігін берік ұстап, әрқашан халқымен бірге болған көшбасшының бүгінгі үндеуі баршаға серпін беретініне сенемін.