«Нұр Отан» партиясының «Бақытты отбасы бақытты балалық шақ» жобасы аясында «Береке» БПҰ қарасты «Облыстық девиантты мінез-құлықты балаларға арналған интернатында «Жүрегім толы мейірім» деген тақырыпта іс-шара ұйымдастырылды.

Іс-шараның мақсаты: балалардың санасына мейірімділік, қайырымдылық ұғымдарын қалыптастыру, кішіпейілділікке, бауырмалдыққа баулу болып табылады.

Шара барысында мекеменің әлеуметтік педагогы тәрбиеленушілердің әлеуметтік жағдайымен таныстыра отырып, педагог-психолог тәрбиеленушілердің дамуын, мінездерін зерттей отырып, баланың жеке тұлға болып қалыптасуына психокоррекциялық жұмыстар жасайтынын айтты.

Шара барысында партия белсендісі, жеке кәсіпкер «Биали ЛТД» ЖШС директоры Шаукенбаев Асхат Қасымұлы интернат тәрбиеленушілерге спорттық киімдер ұсынды.

«Жас Отан» жастар қанатының еріктілер тобы концерттік бағдарламасымен тәрбиеленушілерге тамаша көңіл-күй сыйлады.

Интернат тәрбиеленушілері қонақтарға өздерінің өнерлерін көрсетіп, іс-шара соңында интернат директоры Шораев Болат Жайылханұлы демеушілерге алғыс хаттар табыстады. Іс-шара соңы «Жас Отан» жастар қанатының еріктілер тобының флешмобымен қызықты да көңілді аяқталды.