Көлік тізгіндеген Темір
«Ақтөбе и К» жауапкершілігі шектеулі серіктестігіндегі ең жасы үлкен, тәжірибесі мол, техниканың тілін білетін жүргізушінің бірі – Темір Алтынбайұлы. Жүргізушілік мамандықты бала жастан меңгеріп, көлік тізгіндеген ол – жасы алпысқа таяса да қажымай еңбек етуде. 1983 жылы шаруашылық басшысы Н.Ермановтың жүргізушісі болып еңбек жолын бастаса, Н.Салықов, А.Мереков, С.Жолмаханов, С.Талқанбаевтардың да жүргізушісі болып адал еңбек еткен. Қай басшының болсын көңілінен шығып, талабынан табыла білді. Темір Дүзеновтың ерекшелігі - өзінің әрбір ісіне аса жауапкершілікпен қарауында. Жаспен де, кәрімен де ортақ тіл табыса білетін ақжарқын, көпшіл. Отбасында зайыбымен бірге ұл мен қыз тәрбиелеп отырған ардақты әке. Ұрпағын әрдайым еңбекке баулуда. Қазіргі таңда серіктестікте Мырзабек Смағұлов басқаратын №3 егіс бригадасының жүргізушісі. Таң бозарып атқаннан кеш батқанша еңбеккерлерді алқапқа уақытында жеткізуге септігін тигізуде.
