qarmaqshy-tany.kz Ұстаздық ете жүріп алты баланы дүниеге әкелу екінің біріне бұйырмайтын бақ. Өз баласымен бірге кісінің дарасын тәрбиелеу оңай шаруа емес. №26 мектептің география пәнінің мұғалімі Гүлзат Баданова күміс алқа иесі. Отағасы Нұртілеу Қанатов та осы мектепте физика пәнінен сабақ береді. Қос ұстаздың отбасында құлпырған төрт қыз бен алтын асықтай екі ұл өсіп келеді. "Балапан ұяда не көрсе, ұшқанда соны іледі" демекші, тұңғышы Жадыра мектепті "Алтын белгіге" аяқтап, ата-ана ізімен ұстаздық жолды таңдапты. Қазіргі уақытта химия пәнінің мұғалімі мамандығы бойынша білімін шыңдауда. Гүлзат Бекмағанбетқызы бізбен әңгімесінде балаларының бәрі оқу озаты екенін мақтана айтып, көп балалы ана атану зор мәртебе екенін тілге тиек етті.