– Мемлекет басшысы Қасым-Жомарт Тоқаевтың жаңа Жолдауын еліміздің жарқын болашағына арналған стратегиялық құжат деуге болады. Жолдауда көрсетілген мақсат-міндеттерді жүзеге асыруда атқарылатын жұмыстар кезең-кезеңімен қарастырылған.

Қ.Кемелұлы аталған Жолдауда азаматтардың құқығы мен қауіпсіздігін қамтамасыз етуге баса назар аударды. Сот шешімдерінің сапасын жақсартуға бағытталған бірқатар шаралар қолдану туралы маңызды құжатта жан-жақты тоқталған. Заңдылықтағы қарама қайшылықтар азаматтардың игілігіне қарай шешімін табуы тиіс. Зиялылықты басты бағыт тұтқан мемлекет болғандықтан қатыгездіктен бас тарттық дегенімізбен адамға кесірін тигізетін қылмыстарға қатаң жаза керек екенін уақыттың өзі көрсетіп отыр.