Табысты бастама
Айнұр АҒЫМБАЕВА,
ІІІ Интернационал ауылының тұрғыны:
Бұл жаңадан сайланған президент Қасым-Жомарт Тоқаевтың алғашқы Жолдауы болғандықтан, ел арасында қатты қызығушылық тудырды. Айтулы құжат президенттің сайлауалды бағдарламамның негізінде жасалғанын ескерсек оның мемлекет дамуында елеулі үлес қосатыны және президенттік басқарудың басты бағыттарын белгілейтіні анық. Жолдау көңілден шықты. Себебі Мемлекет басшысы бірден билік пен бұқара халықтың арасындағы қыл көпір кеңеюі үшін не керек екенін негіздеп айтып берді. Бұл Жолдаудың ерекшелігі де сол – осыған дейін әлеуметтік желілерде айтылған мәселелердің шешімін нақтылап, нұсқағандай болды.
