ҚҰРЫЛЫС ЖҰМЫСТАРЫ ЖОСПАРЛАНУДА

Құрылыс жұмыстарының көлемі 3,2 млрд. болып, өткен жылмен салыстырғанда 4,7 есеге өсті. Ал 2018 жылы 9,5 млрд. теңгенің құрылыс жұыстары жүргізіледі деп жоспарлануда.

Қуаңдария ауылындағы апаттық жағдайдағы мектеп құрылысына 476,7 млн. теңге бөлініп, өткен жылы пайдалануға берілді. Нәтижесінде аудандағы апаттық жағдайдағы мектептер толығымен жойылды.

Жосалы кентіндегі 300 орындық №183 мектеп ғимаратының құрылысына 798,9 млн.теңге бөлініп, …ағымдағы жылдың мамыр айында пайдалануға берілетін болады.

2017 жылы Жосалы кентінде 90 орындық 2 балабақшаның (№3 «Ертөстік» және №5 «Айгөлек») құрылысына 497,8 млн.теңге бөлініп, пайдалануға берілді. Сондай ақ, Иіркөл елді мекенінде «Самал» және Төребай би ауылындағы «Аққөгершін» балабақшаларының құрылысына биыл 265,1 млн.теңге қаралып, бірінші жартыжылдықта құрылыс жұмыстарын аяқталады деп жоспарлануда.

Жалпы құны 1 млрд. 292 млн.теңге болатын Жосалы кентіндегі жыл бойы жұмыс жасайтын балалар демалыс лагерінің құрылысы 2017 жылы басталды, ағымдағы жылдың аяғына бітіру жоспарлануда.