ЖАДЫРАТҚАН ЖӘРМЕҢКЕ

   
Жуырда аудан орталығында аудандық ауылшаруашылық бөлімінің ұйымдастыруымен  жәрмеңке өтті. Бұл жәрмеңкеде қияр және картоп арзан бағада сатылымға шығарылды. Картоп Қарағанды қаласынан әкелінсе, ал қияр жергілікті Қорқыт стансасындағы «Жәметбек Тортуловтың» жеке кәсіпкерлігіндегі жылыжайда өсірілген. «Байқоңыр» әлеуметтік кәсіпкерлік коорпорациясының ұлттық компаниясы баға тұрақтылығын сақтау барысында халыққа кезекті өнімдерін әкеліп, тұрғындарға қолжетімді бағада сатылымға шығарды.
Бұл бастаманың қолға алынғаны өте жақсы болды. Қара халықтың жағдайына, қалтасына тиімді. Болатын күнін жарнама мен хабарландырудан көріп, ертерек келіп тұрамыз. Көріп тұрғаныңыздай кезек көп. Ерте келгеннің өзінде алдымда қанша адам бар. Осындай шараны ұйымдастырған  атқамінерлерге алғысымды білдіремін, - деді кент тұрғыны А.Наурызбаева.