«Ғылым – ғұмыр» танымдық сағаты

Жаратылыстану ғылымдарының дамуына өзіндік үлесін қосқан ғалым Мағрипа Шөжеғұлқызы Жылқыбаеваға арналған «Ғылым – ғұмыр» атты танымдық сағат өтті.

Шараның мақсаты – ғалымның ғылыми еңбектері мен зерттеу жолын насихаттау, жас оқырмандардың ғылымға деген қызығушылығын арттыру және ғылыми ізденістің маңызын түсіндіру.

Танымдық сағат барысында Мағрипа Шөжеғұлқызының өмірі мен ғылыми қызметі туралы мағлұматтар беріліп, жаратылыстану ғылымдарының адам өміріндегі маңызы жөнінде ой-пікірлер ортаға салынды. Қатысушылар ғалымның еңбектерімен танысып, ғылым жолындағы ізденістің адамзат дамуына қосар үлесі туралы пікір алмасты.

Шара соңында тақырыпқа сай кітаптар мен ақпараттық материалдар таныстырылды.