ОБЛЫСТЫҚ ҒЫЛЫМИ – ПРАКТИКАЛЫҚ КОНФЕРЕНЦИЯ ӨТТІ
Педагогикалық шеберлік орталығының Қызылорда қаласындағы филиалының ұйымдастыруымен 2026 жылы 17 наурыз күні Т.Көмекбаев атындағы №250 мектеп –лицей базасында «Сабақты зерттеу: қазақстандық мектептердің тәжірибесі» тақырыбында облыстық ғылыми –практикалық конференциясы болып өтті.
Конференция мақсаты – өңірдегі білім беру ұйымдарының тәжірибесінде Сабақты зерттеу тәсілінің тұрақтылығын қалыптастыру, кәсіби қауымдастықта мектептегі зерттеу тәжірибесі бойынша тәжірибе алмасу және жаңа идеяларды трансформациялау.
Конференцияда пленарлық сессия, тақырыптық бағыттар бойынша секция жұмыстары және постерлік жұмыстар жүргізілді.
Конференцияға мектеп директорлары, мектеп директорының оқу ісі жөніндегі орынбасарлары, пән мұғалімдері қатысып, өз тәжірибелерімен бөлісіп, пікір алмасты.
