АУДАНДЫҚ СЕМИНАР: БІЛІМ МЕН ТЕХНОЛОГИЯ ТОҒЫСҒАН БЕЛЕС
Жасанды интеллект — бүгінгі білім беру саласының ажырамас бөлігі. Осы бағытты бағдар еткен №85 мектепте аудандық білім бөлімінің әдістемелік кабинет жоспарына сәйкес Қазақ тілі мен әдебиеті пән бірлестігінің ұйымдастыруымен «Қазақ тілі мен әдебиеті сабақтарында ЖИ көмегімен оқу сауаттылығын арттыру» тақырыбында аудандық семинар ұйымдастырылды.
Мұғалімдердің кәсіби құзыреттілігін арттыру, сабақ барысында заманауи цифрлық құралдарды (ЖИ) тиімді қолдану арқылы оқушылардың мәтінмен жұмыс істеу дағдысын жақсарту мақсатында өткізілген семинарда
Инновациялық тәсілдер: Қазақ тілі сабақтарында жасанды интеллект арқылы тапсырмалар құрастырудың тиімді жолдары көрсетіліп, тәжірибе алмасу мақатында оқу сауаттылығын арттыруға бағытталған креативті әдіс-тәсілдер талқыланды.
«Заман талабына сай ұстаз — үнемі ізденіс үстіндегі тұлға» бөлімі арқылы семинар қатысушылары жаңа технологияларды сабаққа енгізу арқылы оқушы қызығушылығын арттыруға болатынын іс жүзінде дәлелдеді.
Ұйымдастырушылар мен белсене қатысқан әріптестерге алғыс білдіреміз! Білім жолындағы ізденістеріміз жемісті болсын!
