ОБЛЫСТЫҚ СЕМИНАР: АҒЫЛШЫН ТІЛІ ПӘНІН БАСТАУЫШ СЫНЫПТАРДА ОҚЫТУДЫҢ ТИІМДІЛІГІ
Қызылорда облыстық оқу орталығы әдістемелік кабинетінің ұйымдастыруымен Жосалы кенті орталығындағы Ү.К.Томанов атындағы №183 орта мектеп базасында «Ағылшын тілі пәнін бастауыш сыныптарда оқытудың тиімділігі» тақырыбында «ЕDU Stream» халықаралық білім беру орталығының маманы Д.Садырбаеваның қатысуымен облыстық семинар өткізілді.
Семинарға аудан бойынша бастауыш сыныптарда ағылшын тілінен сабақ беретін мұғалімдер қатысты.
Семинар барысында Дина Медетбекқызы қатысушыларға ағылшын тілі мұғалімдерінің қалыптасқан кәсіби құзыреттілігін жетілдіру, бастауыш сыныпта ағылшын тілі пәніне арналған әдістемелік кешендерді тәжірибе жүзінде тиімді пайдалануына ықпал ету, педагогикалық шеберлікті арттыру, сондай-ақ практикалық және әдістемелік бағытта көмек көрсетті.
Семинар соңында қатысушылар тұрғысынан кері байланыс мақсатында әдіс-тәсілдер арқылы жұмыстар жүргізілді.
