Оңтүстік Кореядағы отшашу шамамен 12 минутқа созылды
Корей түбегі бейбітшілікті ұлықтап жатыр.Осы мақсатта Оңтүстік Кореядағы ең биік – 555 метрлік Лоттэ мұнарасынан отшашу атылды.От, лазер, жарық және музыканы біріктірген шоуды Оңтүстік Корея астанасының миллионға жуық тұрғыны тамашалады.
Отшашу кезінде «Лалаланд» және «Ең ұлы шоу» фильмдері көрсетіліп, «Ариран» корей халық әні шырқалды. Шара 11 минут 50 секундқа созылды. Бұл Тайбэйдегі 101 және Дубайдағы Бурдж Халифа мұнаралардағы өткен отшашулардан да ұзағырақ. Ұйымдастырушылардың айтуынша, осы бір сәттік шоудың құны – алты миллиард вон. Бұл – шамамен 5 миллион 143 мың доллар.
