АҚШ пен Қытай арасындағы сауда соғысы өршіп барады
Қытай Бүкіләлемдік сауда ұйымына АҚШ-тың үстінен шағым түсірмек.
Бұл туралы Қытай Халық Республикасының Сауда-саттық жөніндегі министрлігі хабарлап отыр. Себебі Ақ үй Қытайда өндірілген тауарларға 25% импорт салығын енгізбек ниетте. Ресми мәлімдемеде «Вашингтонның ешкіммен келіспей қабылдаған бұл шешімі Сауда ұйымының қағидаларына қайшы келеді» делінген. Сондықтан Қытай даулы мәселенің шешімін табу үшін және еркін сауда айналымы мен заңды мүддесін қорғау мақсатында осындай қадамға бармақ.
Айта кеткент жөн, бүгіннен бастап АҚШ жалпы құны 16 млрд долларды құрайтын Қытай тауарларына жаңа импорт салығын салмақ. Американың бұл әрекетіне Қытайдың қарсы жауабы дайын. Салық бойынша жаңа тәртіп орнаған сәтте аспан асты елі де Америка тауарларына 25%-дық импорт салығын енгізеді.
24.kz
