Еуроодақ пластик қаптамаларға қарсы

Еуроодақ билігі пластикалық құтыларды шығару және қолдану туралы заңды қайта қарайды.
Еурокомиссияның жаңа стратегиясы пластикті қайта өңдеу өндірісін дамытуды көздейді. Өйткені бүгінде осындай құтылардың үштен бірі ғана жаңартылып, қолданысқа оралады. Жалпы Еуроодақ аймағында пластик қалдықтарының көлемі 25 миллион тоннадан асып жығылады. Бұған дейін Франция билігі жеміс-жидек пен көкөніс сатушыларына пластик пакеттерді қолдануға тыйым салған. Оның орнына экологиялық таза материалдан жасалған дорбалар шығарыла бастады. Ал Бельгиядағы сауда үйлерінің барлығы пластик пакеттердің орнына қағаздан жасалған дорбалар тұтына бастаған. Енді Еурокомиссияның ұсынысы Еуропарламентте талқыланады. Заң екі жылдан кейін Еуроодаққа мүше барлық мемлекетте қолданылуы мүмкін.