Перуде магнитудасы 6,7 болатын жер сілкінісі тіркелді
Перудің орталық бөлігінде магнитудасы 6,7-ге жеткен жер сілкінісі болды. Жерасты дүмпулері ел астанасы Лима қаласында да сезіліп, тұрғындар үйлерін тастап көшеге шықты, деп хабарлайды Egemen.kz.
АҚШ Геологиялық қызметінің (USGS) хабарлауынша, жер сілкінісі 21 қарашада Гринвич уақытымен сағат 00:09-да, Астана уақытымен 05:09-да болған.
Алдын ала мәліметке сәйкес, жер сілкінісінің эпицентрі оңтүстік ендіктің 10,85 және батыс бойлықтың 75,98 градусында орналасқан. Жерасты дүмпуінің ошағы 108 шақырым тереңдікте болған.









