Каспий теңізінде жер сілкінісі тіркелді

Каспий теңізінің акваториясында магнитудасы 4,1 болатын жер сілкінісі тіркелді. Жерасты дүмпулерін Әзербайжан Ұлттық ғылым академиясы Республикалық сейсмологиялық қызмет орталығы мамандары анықтаған, деп хабарлайды Egemen.kz.

Сейсмологтардың мәліметінше, жер сілкінісі 21 қыркүйекте Астана уақытымен 19:13-те болған. Дүмпулердің эпицентрі 40,56 градус солтүстік ендік және 52,04 градус шығыс бойлық координаттарында орналасқан.

Жерасты дүмпулері 46 шақырым тереңдікте тіркелген. Қазіргі уақытта жер сілкінісінен зардап шеккендер туралы ақпарат түскен жоқ.

Еске сала кетейік, 10 қыркүйекте Каспий теңізінде 3,1 баллдық жер сілкінісі тіркелді.

Әлем

24 қыркүйек 2026 ж. 147 0