Канада жағалауында магнитудасы 5 балдық жер сілкінісі болды
Бүгін Гринвич уақыты бойынша сағат 04:49-да Канаданың Ванкувер аралында магнитудасы 5,5 болатын жер сілкінісі болды, деп хабарлайды Egemen.kz.
Жерасты дүмпулерінің эпицентрі 90 мыңға жуық тұрғыны бар Виктория қаласынан батысқа қарай 390 шақырым жерде орналасқан.
Алдын ала мәліметке сәйкес, жер сілкінісінің эпицентрі 49,62° солтүстік ендік пен 129,28° батыс бойлық координаттарында орналасқан. Жерасты дүмпуінің ошағы 10 шақырым тереңдікте болған.
Зардап шеккендер туралы ақпарат түскен жоқ. Цунами қаупі жарияланбады.
Бұған дейін Перуде магнитудасы 5,1 және 3,7 болатын екі жер сілкінісі тіркелді. Ел астанасы Лима қаласына жақын орналасқан Чупака провинциясында болған жер сілкінісінен алты адам қаза тапты.
