Трамп: Путин Украинамен бір мәмілеге келгісі келеді
Ол Украинамен бейбітшілік келісіміне қол қоюға Зеленский мен Путиннің бір-біріне деген өшпенділігі кедергі болып отырғанын айтты.
Трамп Путинмен жақсы әңгімелескенін, оның Зеленскиймен келісім жасағысы келетінін атап өтті.
«Ол келісімге отырғысы келеді. Бұл жерде мәселе Зеленскийге де байланысты. Егер Украина президенті келісім жасағысы келсе, Путиннің де келісімге келгісі келіп тұр», деді АҚШ президенті.
АҚШ басшысы соғысты тоқтату үшін барлық жағдайды жасайтынын, Америка Құрама Штаттары үш жақты келіссөзді қайта бастауға дайын екенін мәлімдеді.
Осыдан бірнеше күн бұрын Трамптың өкілдері Стив Уиткофф пен Джаред Кушнер Мәскеу мен Киевке барып қайтқан еді. Олар 5 қыркүйекте Кремльде Владимир Путинмен үш сағаттан аса уақыт әңгімелесіп, ештеңе бітірмей кетті. Содан кейін Киевке барып, Владимир Зеленскиймен кездесті. Бұл жерде де ештеңе шешілмеді.
Осыған дейін Ресей президенті Владимир Путин мен АҚШ президенті Дональд Трамптың телефонмен сөйлесіп, Украинадағы соғысты тоқтату және екі ел арасындағы қарым-қатынасты қалпына келтіру мәселелерін талқылағанын хабарлаған едік.
