Тәжікстан билігі хиджаб киюге тыйым салды
Фото: istockphoto.com
Тәжікстан билігі ұзын сақал қойып, хиджаб пен араб үлгісіндегі киім түрлерін киюге заң жүзінде тыйым салды, деп хабарлайды Egemen.kz.
Жергілікті БАҚ-тың мәліметінше, елде ұлттық дәстүрге жат деп танылған киімдерді киюге және оларды елге әкелуге шектеу енгізілген. Әсіресе қара түсті хиджабтар мен араб стиліндегі кейбір киімдерге ерекше назар аударылып отыр.
Сонымен қатар құқық қорғау органдары діни экстремизмге байланысты сақал қойған ер адамдарға бақылауды күшейткен. Осылайша елдегі билік өкілдері қала мен ауыл тұрғындары арасында түсіндіру жұмыстарын жүргізіп, әйелдерді тәжік ұлттық киімін таңдауға шақырып отыр.
Тәжікстан билігі бұл шараларды діни радикализм мен экстремизмнің алдын алу, ұлттық мәдениетті қорғау және қоғамдық қауіпсіздікті қамтамасыз ету мақсатында қабылданғанын мәлімдеді.
Ауғанстанда әйелдер жазған кітаптарды оқытуға тыйым салынды
Айта кетейік, Қазақстанда да адамның жүзін толық жабатын киім киюге тыйым салынған. Бұл талап ауа райы жағдайына, медициналық көрсетілімдерге, қызметтік міндеттерді орындауға, сондай-ақ спорттық және мәдени іс-шараларға қатысу жағдайларына қолданылмайды.
