Жапонияда дауыл салдарынан қаза тапқандардың саны артты
РИА Новости Жапонияда «Прапирун» дауылынан кейін жауған нөсер мен су тасқынынан қаза тапқандардың саны 80-нен асты.
Тағы 60 тұрғын іс-түзсіз жоғалды деп ресми хабарланды. Бұл туралы жергілікті NHK телеарнасы мәлімдеді. Жергілікті бұқаралық ақпарат құралдары қайтыс болғандардың көбісі Хиросима мен Эхимэ елді мекенінде тіркелгені туралы хабарлады. Құтқарушылар лай көшкіні жайпаған аймақтан 2 мыңға жуық адамды құтқарып үлгерді. 20 мыңнан аса тұрғын үй электр жарығынсыз қалды. Жергілікті билік өкілдерінің айтуынша, жаңбырдың бұлай толассыз жаууы бұрын болмаған. Қазірге дейін апатты Жапонияның барлық аймағынан 1 миллион 500 мыңнан астам тұрғын қауіпсіз жерге көшірілді. Құтқару шараларына ондаған мың әскери мен полицейлер және өрт сөндірушілер жұмылдырылған. Ал ауа райын болжау қызметінің хабарлауынша, алдағы күндері елдің оңтүстік-батыс және орталық өңірлерінде тағы жауын жауады. Осыған байланысты су тасқыны мен лай көшкіні қаупі күшейетінін ескертіп отыр.
