Жапонияда дүлей дауылдан теміржол қозғалысы тоқтады
Жапонияда ауа райы қолайсыз болып тұр.
Елдің солтүстік бөлігінде «Прапирун» тайфуны салдарынан теміржол қозғалысы тоқтады. Атап айтқанда, 200 пойыз кестеге сай уақтылы жүрмеді. Ал орталықта орналасқан Осака префектурасы билігі 20 мыңнан аса тұрғынның қауіпсіз аймаққа көшуі керек екенін ескертті. Ресми деректерге сәйкес, дүлей дауыл салдарынан 1 адам қаза тауып, тағы 20-сы түрлі деңгейде жарақат алған.
Айта кету керек, бұл – Тынық мұхиты жағалауында осы жылы 7-рет болған тайфун.
