Канадада аптап ыстықтан 17 адам көз жұмды

Канадада күннің күрт ысуынан қайтыс болғандар саны 17-ге жетті.
Бұл туралы Globe and Mail ақпараттық агенттігі хабарлады. Жергілікті ақпарат құралдарының мәлімдеуінше, сынап бағанасы 40 градустан асқан. Қапырық салдарынан Монреаль қаласында 12 адам ажал құшқан. Синоптиктер бұл аймақта ыстық әлі бірнеше күнге созылатыны жайлы ескертті. Ресми ақпарға сәйкес, жергілікті жедел жәрдем қызметіне күніне 2 мыңға жуық қоңырау түсіп отыр. Монреаль мен Торонто билігі арнайы желдеткіші және салқын сусынмен қамтылған орталықтар ашқан.
Айта кету керек, мұндай қапырық Монреальда 2010 жылы тіркеліп, 106 адам қаза тапқан еді.