АҚШ ядролық қаруды сынақтан өткізді

АҚШ-тың әуе күштері B61-12 ядролық бомбасын сынақтан өткізді, – деп хабарлады Military.com сайты.
Сынақ Невада штатындағы Тонопа полигонында өтті. Басылымның мәліметінше, сынақ кезінде B-2 Spirit бомбалаушылары қолданылған. АҚШ-тың Энергетика министрлігі Ұлттық ядролық қауіпсіздік басқармасының мәліметінше, жазғы квалификациялық сынақтар қарудың қауіпсіздік талаптары мүмкіндігінің қандай дәрежеде екенін көрсетті.
Айта кету керек, АҚШ алдағы уақытта Еуропадағы әскери базаларда да B61-12 бомбасын сынақтан өткізуді жоспарлап отыр. Атап айтқанда, сынақтар Германия, Италия, Түркия, Бельгия және Нидерландыда өтеді деп күтілуде.