Ресейде химиялық тәжірибе кезінде 8 бүлдіршінді күйік шалды

Иркутск қаласындағы ойын-сауық кешендерінің бірінде Балалар күніне орай ұйымдастырылған шара кезінде химиялық тәжірибе сәтсіз шығып, салдарынан мектеп жасына дейінгі 8 бүлдіршінді күйік шалды.
Жарақат алған балалардың төртеуі қазір ауруханада. Ал біреуі реанимацияда жатыр және халі мүшкіл дейді дәрігерлер. Осы оқиғаға қатысты тергеу жұмыстары жүргізіліп жатыр. Қауіпсіздік шараларын сақтамаған және адам өміріне қауіп төндірген сауда орталығының техникалық директоры мен экскурсия жетекшісіне қатысты қылмыстық іс қозғалды. Балаларға арналған қойылым кезінде сұйық азот пен химиялық реактивтер қолданылған. Шара кезінде алдыңғы қатарда отырғандар қатты зардап шекті.