Түркияда президенттік сайлау мерзімінен бұрын өтеді
Түркияда президенттік және парламенттік сайлау межелі мерзімінен 1 жарым жыл бұрын өтеді.Ел президенті Реджеп Тайип Ердоған Ұлттық қозғалыс партиясының басшысы Девлет Бахчелимен кездесуден кейін осындай шешім қабылдаған. Саяси дода биылғы жылдың 24 маусымына белгіленді. Оның айтуынша, бұл шешім Түркияның президенттік басқару жүйесіне ауысуын жеделдету үшін қабылданып отыр. Айта кетейік, жоғарғы сайлау комиссиясы осы шараға орай дайындық жұмыстарына қызу кірісіп кетті.
Режеп Тайип Ердоған, Түркия Президенті:
- Еліміздегі басқару жүйесін өзгерту Түркияның болашағы үшін керек. Ол үшін мерзімінен бұрын сайлау өткізуді жөн көрдік. Саяси дода 2018 жылдың 24 маусымында өтеді.
