Өлгендер мен зардап шеккендердің барлығы мешітке келушілер екендігі атап өтілді. Террористер жұма намазындағы ғибадатханада адамдардың ең көп саны жиналатын күнді арнайы таңдаған. 
"Талибан" қозғалысы (Қазақстанда тыйым салынған) Құндыз провинциясындағы жарылысты айыптап, кінәлілерді жазалауға уәде берді.
"Ислам әмірі бұл қорқынышты әрекетті айтыптап, осы ауыр қылмыс үшін кінәлілерді табуға және жазалауға уәде береді", – деп жазды Талибанның ресми өкілі Забихулла Муджахид Twitter-де. Оның айтуынша, жарылыс орнына арнайы жасақ келіп, тергеу жүріп жатыр.
Бұл шабуылды БҰҰ Бас хатшысы Антонио Гутерриш те айыптады.
"Бас хатшы бұл варварлық шабуылды айыптайды және қаза тапқандар мен зардап шеккендердің отбасыларына көңіл айтады", – деді Бас хатшының өкілі Стефан Дужаррик.
"Ислам мемлекеті – Вилаят Хорасан" террористік тобы (Қазақстанда тыйым салынған ДАИШ террористік тобының бөлігі) жарылыс үшін жауапкершілікті өз мойнына алды, деп хабарлайды Aamaj News.
Террористер өзін-өзі өлтірген қылмыскердің есімі Мұхаммед әл-Уйгури болғанын айтты.