Финляндиядағы бастауыш мектептердің бірінде робот ағылшын тілін үйретуге кірісті.
Оның есімі – Элиас. Өте шыдамды, ешқашан балаларға дауыс көтермейді. Содан да болар, төменгі сынып оқушылары одан сабақ алуды ұнатады. Оның Овобот есімді әріптесі басқа бағдарламамен жарақтандырылған, математикадан сабақ береді. Бірақ әзірге оншалықты табысқа жете қойған жоқ. Робот-мұғалімдердің жалғыз кемшілігі – тәртіпті бақыламайды. Сондықтан сыныпта бұрынғыша педагогтың болуы қажет.