ӘЛЕМДЕГІ ЕҢ ҮЗДІК КИНОТЕАТРЛАР ҚЫТАЙДА
Қытайдың Ухань қаласында ерекше кинотеатр бар. Бір көргенде жарылыстан қалған орын сияқты әсер қалдырады. Қабырғалары мен фойе, аудитория және акустикалық тақталардың бәрі қалай болса солай салынған. Дизайнер Вирджиний Лунг голливудтың қымбат кинолары түсірілу үшін әдейі талқандалғандай әсер қалдыру басты мақсатымыз дейді. Бұл туралы Baq.kz ақпарат агенттігі CNN басылымына сілтеме жасап хабарлайды.
Қытайдағы кинотеатрлар саны АҚШ-тағы көрсеткіштен асып түседі. Сондықтан көптің назарынан ерекшелену өте қиын. Лунгтың айтуынша, Қытайдың бір көшесімен келе жатсаңыз, үш немесе бес кинотеатрды кездестіре аласыз.
Дизайнер Лунг Гонконг және Қытайдың өзге қалаларындағы 60 театрдың дизайнын жасауға қатысқан. Ал мына immersive стилі көптің көңілінен шыққан сияқты.
